جميلة ، رقيقة ، ابتسامة طفلة بريئة بها بعض الحزن ، صغيرة ( لم تكمل 16 سنة ) ، فقيرة !!!
************************
هو: العريسيرقص سعيداً ، فهو ربما في الخمسين او اصغر قليلاً . ( ثري عربي ) !!!
************************
المدعوين : قلة ( اقارب العروسة فقط )يتصارعون للحصول على الجاتوه والعصير !!!
************************
أنا : ( !!!!!!!!! ) أصفق........
فرح
هناك ١٠ تعليقات:
وصل المعنى يا سميرة وللاسف باتت ظاهرة منتشرة مفزعة .. شىء ما اشبة بسوق الجوارى
أولا حمدا لله على سلامتك
بجد افتقدناكى الفترة الى فاتت
ثانيا الفقر يفعل الكثير بالناس
دمتى بكل الود
و كم من بسمة يغتالها الفقر !!!
كل واحد عمل حاجة بدون ارادتة و كان السبب فيها وضع البلد و مبارك و كل واحد مسئول فالبلد, ذنبهم فى رقبة كل واحد اكل حقنا
فالامارات..
لسه عارف الحكاية دى من قريب
الشاب لما بيتجوز بياخد ارض يبنى عليها بيت و بياخد حوالى 150 الف درهم و لما يخلف بياخد عالبنت الف و نص كل شهر
و بياخد على الولد الفين باين او اكتر
و كمان شغله موجود و بمرتبات خيالية
و حسبى الله و نعم الوكيل
حمدلله بالسلامة
مين اللى قالك ان العروسه فرحانه فى عيونها حزن زى ما بتقولى واكيد ليهااحلام كانت نفسها تحققها بالرغم انها فقيره بس دايما الناس دول طييبين مش معنى انهم جوزا بنتهم صغيره يعنى وحشين بس هى ظروف الحياه الصعبه اللى بتخلى الانسان يفكر كده
وطبعا العريس بنك متحرك ماله دا
صباح الصباح
فعلا ظاهرة مفزعة مع انتشار الفقر والجهل
==============================
محمد
اشكرك
الجهل مع الفقر حاجة مخيفة بجد
منورني
==============================
اسلام
معاك حق الوضع فعلا من سئ لأسوأ
بس الوضع الاقتصادي لدبي سعادة يفرق كتير عن مصر
انا كل اللي اتمناه بجد (التعليم)
وبعد كدا كل شئ ممكن تحقيقه
منور يا مواطن
===============================
رومانسي
انا قلت انها مبتسمة فقط بتحاول تفرح
ومعاك كل الحق
الظروف ساعات بتفرض على الانسان انه يعمل حاجات كتير لا يتمنى فعلها
انا بلوم اكتر انتشار الجهل والفقر
احنا المصريين طيبين جدا ودايما بنتمنى ان حظ اولادنا يكون افضل من حظنا
نورتني
يبقى بقى دا دورك بما انك مدرسه بقى رقيقه كد عاوزك تغيرى جيل بحاله تغيرى تفكيره خالص وتعرفيه ان الفلوس مش كل حاجه فى الدنيا
دا دورك بقى يا استاذه
ولو اقنعتى الاولاود بكده
انا ان شاء الله لما اتجوز واخلف هبقى انقل اولادى فى المدرسه اللى انتى فيها
كلنا بقينا بنقول مصطلحات عمرو اديب
(دبى سعادة)
ههههههههههههه
الراجل ده مؤثر بجد
بس عنده شوية تفاهه لو يتخلص منهم يبقى نمبر ون
للأسف الفقر بيعمل اكتر من كده
ربنا يرحمنا برحمته
رومانسي
اشكرك على كلامك الرقيق
بص كل واحد فينا بيحاول يعمل الافضل
بس صدقني انا تأثيري كمدرسة لم يعد زي زمان مع انتشار وسائل كتير زي التليفزيون والنت
وللاسف الشديد
البيت كمان بيشجع كل دا لان ظروف الحياه زي ما انت عارف بقت صعبة جداً
بجد الموضوع صعب ومتشابك
اوعدك اني احاول
انا يشرفني اني ادرس لاطفال رقيقة زي اولاد سعادتك :)))
منور يا رومانسي
=============================
المواطن
انا بجد بقى لي فترة ماشفتش عمرو اديب
هو مذيع كويس
بس ساعات بيقلبها استظراف
وبيحب الاكل جدا
تعليقك دايما موز موز موز :))))))))))))
=============================
sweet violet
فعلا الفقر مع الجهل مع قلة الحيلة
ممكن يعملوا حاجات كتير
نورتي مدونتي المتواضعة
أنا قولت أجى أسأل على أختى العزيزة
إرسال تعليق