وانا قاعدة مع نفسي في غفلة من الزمن قلت: احنا خلاص بقينا في 2009 ؟؟
يااااه الايام بتمر بسرعة - كلمة معتادة الناس بتقولها في الموقف دا مع ان الايام بتمر في كل الاحوال -
يا سلام لو اضع خطة استراتيجية مستقبلية للسنة الجديدة ، توكلنا على الله....
رجعت قلت انا فاشلة في حكاية الخطط دي ، طب ما انا احاول اتخلص م الحاجات اللى اللي مضايقاني في حياتي ومنغصة على عيشتي ...
بس اولاً: لازم اعرف ايه هي الحاجات دي وبعدين احاول اتخلص منها ....
طب خلاص انا عرفتها ، وبعدين ؟؟!!
اتخلص منها - دا الطبيعي - ، هو دا بسهولة كدا !! يعني اقولها تمشي فتروح ماشية على طول ...
لأ طبعاً ، الموضوع عاوز (تكتكة) ، يعني هانرجع للخطط تاني !!!!!
ش مهم ، الاهم انى اتخلص منها للآبد.
خلاص اتخلصت من كل السلبيات في حياتي - بتخيل -
ابدأ بقى في تعزيز الايجابيات ، يعني انا عاوزة اعمل ايه في السنة الجديدة؟؟؟
برضه لازم خطط واستراتيجيات!!!
رجعت قلت انا فاشلة في حكاية الخطط دي ، طب ما انا احاول اتخلص م الحاجات اللى اللي مضايقاني في حياتي ومنغصة على عيشتي ...
بس اولاً: لازم اعرف ايه هي الحاجات دي وبعدين احاول اتخلص منها ....
طب خلاص انا عرفتها ، وبعدين ؟؟!!
اتخلص منها - دا الطبيعي - ، هو دا بسهولة كدا !! يعني اقولها تمشي فتروح ماشية على طول ...
لأ طبعاً ، الموضوع عاوز (تكتكة) ، يعني هانرجع للخطط تاني !!!!!
ش مهم ، الاهم انى اتخلص منها للآبد.
خلاص اتخلصت من كل السلبيات في حياتي - بتخيل -
ابدأ بقى في تعزيز الايجابيات ، يعني انا عاوزة اعمل ايه في السنة الجديدة؟؟؟
برضه لازم خطط واستراتيجيات!!!
أيوه ما الواحد لازم يخطط علشان ينجح
بس .... برضه فيه حاجات بتيجي كدا من غير خطط ولا حاجة
حاجات رباني يعني...
مافيش اعتراض ، بس المهم اني مااعتمدش ع الرباني واسيب الاسباب التي تؤدي الى تحقيق النجاح - فلسفة جامدة -
انتوا عارفين ؟؟ نفسي اعمل حاجة مجنونة في السنة الجديدة ، حاجة مختلفة ، تخليني مبسوطة فوق في السحاب ...
بس ايه هي الحاجة دي ؟؟؟؟
النجاح؟
احتمال !!
بس النجاح برضه عاوز نخطيط....
ماهو لازم تخطيط
يمكن الحرية ؟؟؟
طب يعني ايه حرية ؟؟؟؟
يمكن الحب ؟؟
الحب .... !!!!!
............
انا خلااااص دماغي (هنج)
اقولكم ...
كل سنة وانتوا طيبين
هناك ١٥ تعليقًا:
اول تعليق
فى
السنه الجديده
ل
رومانسى
لا دماغك مش هنج ولا حاجه
بس اقولك سر
الحب برضه عاوز تخطيط
بس تخطيط بيبقى احسن من تخطيط السد العالى
نسيت اقولك
كل سنه وانتى طيبه
ويارب تحققى اللى انتى تتمنيه
يارب
ايه يا بنتي الفلفسة الجامدة ديي
؟؟؟؟؟؟؟؟؟؟؟
عموما حمدا لله ع السلامة والتخطيط والرباني وكله !ّ!!
انا اصلي مهنجة بقى لي كتير !!!!!!!
عموما السنةدي هتكون قشطة ان شاء الله
وادينا مستنين القشطة والالسطة لما نشوف
واشوفك بقى عندي قريب
قولي يارب
بوسي القبيلة
وبطلي أكل بامية
:))))))
رومانسي
اول تعليق وانا بقول المدونة منورة كدا ليه:))))
حتى الحب عاوز تخطيط!!!!
كمان
عموما كل سنة وانت اجمل
منورني
الغالية جدااااا zianour
انتي كمان مهنجة
طب من ايه بقى؟؟؟ دا الدنيا عندكم فلة شمعة منورة:))
يارب اشوفك قريب
تعليقك دايما مميز
بس عاوزة اقولك حاجة
مفيش بامية حاليا في مصر
وانا مش من هواة البامية اوي
كل القبيلة بتبوسك جااااامد
وانا كمان :)))))))
خططي واتكلي على الله ونفذي الخطة
كل سنةوانتي طيبةويارب سنة سعيدة عليكي وعلينا ونحقق فيها كل احلامنا
شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية
بدون الحب يا سميرة لا حياة
وليس بالضرورة حب رجل لامراة
ممكن حب البراءة.. حب الطبيعة .. حب الحيوانات الاليفة (عندك انا مثلا باعشق القطط)
دورى جواكى هتلاقى الحب ولما تلاقية جربة تغيرى رؤيتك للاشياء وقولى لى اية الاخبار؟
مصطفى
يعني لازم برضه تخطيط :)))))
عموما اشكرك على تعليقك الرقيق ومنور المدونة
كل سنة وانت طيب
=============================
رابطة هويتي اسلامية
اشكركم على جهدكم ويارب نقدر نساهم باى شئ
=============================
صباح الصباح
الحب اجمل احساس في الدنيا
اشكرك
منورني دايماً
كل سنة وانتى طيبة يمكن متاخرة شوية
بس انا كان عندى ظروف شاغلنى عن التدوين ومتابعة بقية المدونات اللى
بحبها والظروف ديه لخبطت حياتى تماما عشان كده بنصحك نصيحة انك متخططيش لحاجة وسيبى كل حاجة على ربنا
وخصوصا الحب الحاجة الوحيدة اللى مينفعش نخطط لها
ايه ده
من يوم عشرة يناير اخر بوست
ايه دا انتى فين كل ده
الامتحانات ؟؟
طب انا كنت بمتحن
طمنينا عليكى
طيب روحتى فين؟
أنا جاى أطمن عليكى
طمنينا عليكى
دمتى بكل الود
العزيزة شاشا
منورة المدونة من جديد
ويارب تكوني بخير
دايما تعليقاتك رقيقة ومناسبة لفنانة
تحياتي
====================
الاعزاء جدا جدا
اسلام ومحمد
اشكركم بجد
انا والله كنت مشغولة جدااااااا في الامتحانات والتصحيح وخلافه
وكمان في الاجازة دورات تدريبية
بس البوست الجديد قريبا ان شاء الله
اشكركم
مش لازم خطط حاولى تعيشى اليوم بيومه
سدأينى حتبقى اسعد الناس
ولا تجعلى ما حدث فى يومك يؤثر على اليوم القادم مهما كان
تحياتى
احمد الشاعر
إرسال تعليق